"Onartezina bada lanean segurtasun baldintza minimo batzuk ez edukitzeagatik istripu bat izatea, are tamalgarriagoa da pertsona hori eraila izatea. Gertaera are larriagoa da tiro egin duena, trebatutako pertsona bat baldin bada, eta gainera, herritar guztiok ordaintzen duguna, besteak beste, gu guztiok babesteko: garraiolariak, ere bai". Hitz horien bidez gogor salatu du Hiru sindikatuak gaur Leitzan jazotakoa.
Ekintza "neurrigabea" dela kritikatu dute, eta horrek "argi" uzten duela "ustezko egilearen izaera". Era berean, "beharrezkoak diren neurri guztiak hartzea" espero dutela azaldu du, "gertatutakoa argitu dadin eta erruduna ez dadin zigorrik gabe geratu".