Justo Lillo tolosarrak jauzi handia emango du denboraldi berrian. Kadeteak entrenatzetik lehen taldea entrenatzera pasako da.
Erregional Ohorezko Mailako taldea azken bi urteetan Iker Dorronsorok entrenatu du, baina zuzendaritzak ez dio kontratua luzatu. Bere lekua hartuko du Lillok. Kadeteekin denboraldi borobila osatu du aurten tolosarrak, irabaztea zeukan guztia irabaziz.
Justo Lillo Juan Manuel Lillo entrenatzailearen anaia da. Eibar B taldean entrenatzaile ibilitakoa da Lillo, eta Liverpoolen ere lana egiteko aukera izan zuen.