Tradizio txiki bilakatu da, jada, Tolosa eta Orioren arteko senidetze gastronomikoa. Horrela, beste urtebetez kostaldeko kresalaren bizia barrualderaino sartu da, bisiguaren festarekin. Txinpartan nahiz Casinon eskainiko dituzte otordu ederrekin batera, arrainari eskainitako asteburua kalera ere atera nahi izan dute eta, larunbat goizeko egitarau oparoari elementu bat gehiago txertatuz, sardinak erre dituzte, Trianguloko parrillan.
Katxiña erretegiko txakolin berriak eta sardina usainak erakarririk, kresalez zirpiztindu dira herritarrak, gustura.