Aurrez ere Tolosako entrenatzaile izan bazen ere, Dorronsoro azken bi urtetan izan da Tolosako entrenatzaile karguan. Pasa den urtean talde urdina igoera faserako sailkatu zen, baina Erandio eta San Inazioren aurka berdinketak erdietsi zituen fase horretan eta ezin izan zuen hirugarren mailara igo. Aurten, berriz, sailkapenean laugarren amaitu du denboraldia Tolosak.
Ordezkoa dagoeneko lotuta
Zuzendaritzak dagoeneko aurkitu du ordezkoa, eta jokalariei gaur bertan jakinaraziko die nor den entrenatzaile berria. Datozen egunotan egingo du publiko klubak.
Eskerrik asko, Iker!
Lerro hauen bidez, TOLOSALDEKO ATARIAk eskerrik beroenak eman nahi dizkio Iker Dorronsorori, azken urte honetan emandako laguntzagatik, guganako konpromisoagatik eta gure lana errazteagatik. Hemendik aurrera ere zorte ona opa diogu.