200 urte baino gehiago dituen gertakizun baten ondorioz ospatzen dute Bedaion Harri Jaia. Harria, kazkabarra, bota zuen eta uzta guztia izorratu zuen. Luis Larreta bedaiotarrak azaldu duenez, «meza bat egitea erabaki zuten, eta auzotar guztiak elkartzea. Garrantzi handiko festa da Bedaion, tradizio handia duena».
Bihar ospatuko dute Harri Jaia eta asteburuan beste kultur ekitaldi batzuk egingo dira. Meza ondoren, hamaiketakoa, bazkaria eta afaria egingo dituzte Artubi elkartean. 60 pertsona inguru elkartuko dira, Bedaion bizi edo auzoarekin lotura berezia dutenak. Eguna bertsolariek eta soinuak girotuko dute.
Asteburu Kulturalari dagokionez, Jakoba Errekondoren hitzaldia, trikiti emanaldia eta bertso afaria izango dituzte larunbatean, eta mendi ibilaldia egingo dute igandean.
Egitaraua
HARRI JAIA
Maiatzak 21, osteguna
11:00. Meza. Ondoren hamaiketakoa Artubi elkartean. Zeberio eta Mañukorta bertsotan eta Eba Dorronsoro soinujolea ariko dira bazkal ordura arte.
14:00. Bazkaria Artubi elkartean. Arratsaldean musikak eta bertsoek jarraituko dute.
21:00. Afaria Artubi elkartean.
ASTEBURU KULTURALA
Maiatzak 23, larunbata
17:30. Jakoba Errekondok argitaratu berri duen Bizi Baratzea liburuari buruzko hitzaldia emango du Artubi elkartean. Jarraian trikiti saioa Abaetxe aurreko parkean.
21:00. Bertso afaria Unai Mendizabal eta Mikel Artola bertsolariekin.
Maiatzak 24, igandea
11:00. Bedaioko plazatik Azkaratera ibilaldia. Eguna luzatu eta bertan bazkaldu nahi duenak, jatekoa norberak eraman beharko du.