Maddi Iñarra Garabideko teknikariak azaldu duenez, kitxua, nasa, nahuatl, kaqchiquel, aimara, maputxe eta maia yukatek hizkuntza komunitateetako ordezkariek beraien hizkuntzaren egoeraz eta euskararengandik ikas dezaketenaz hitz egiten dute eta, bide batez, "guk haiengandik ere ikasteko aukera eskaini digute dokumental honetan". Garabide Elkartea euskararen berreskurapen esperientzia Hegoaldeko jatorrizko herriekin konpartitzeko sorturiko elkartea da: "Konpartitzea, bi norantzatan ulertzen dugu, denok dugulako zer emana eta zer jasoa elkartruke horretan".