Atzo iluntzean bildu zen Tolosako kartel lehiaketako epaimahaia eta lehen galbahea pasa zieten aurkeztutako lanei. Bostek lortu dute epaimahaiaren oniritzia eta orain, herritarrena lortzea geratzen zaie. Epaimahaiko kideen arabera, "maila altua izan da eta urtetik urtera zailagoa izaten ari da lehen aukeraketa egitea".
Epaimahaiak hautatutako lanak gaur arratsaldetik aurrera egongo dira ikusgai Antonio Maria Labaien kultur etxeko areto nagusian. Herritarrek beren gustukoena aukeratu dezakete kultur etxean bertan edo www.tolosa.eus orrialdean eman daiteke maiatzaren 24a arte.