Tolosarekin batera beste hainbat herritan ere jartzen dute postua eta bi asteburu hauetan 15.000 euro biltzea lortu dute. Astebururo jarriko dute postua Tolosako azokak erakartzen duen jendetza aprobetxatuz.
Hau ez da ordea, Nepalek jasan dituen bi lurrikarak direla eta elkartasuna azaltzeko dagoen modu bakarra. Tolosako Udalak ere herritarrei egin die dei laguntza bideratzeko. Egunean 4.000 pertsona ingururen beharrak asetzeko ur edangarria sortzeko planta eraikitzeko asmoz, udalak 6.000 euro jarri ditu, eta herritarrei Rokpa Euskadi elkartearen bidez diru ekarpenak egiteko deia luzatu die. Hiru kontu ireki ditu elkarteak horretarako:
Kutxabank: 2101 0092 17 0010299584
Euskadiko Kutxa: 3035 0006 46 0600104607
Caixa: 2054 2024 09 9163776050