Haurrek espazio publikoak okupatu eta kale biziak sortu ditzaten Haurren Hiria egitasmoa egin dute Tolosako Zerkausian. Taldeetan banatu eta Mintza Txokoa egin dute lehenengo, eta ondoren oholtzara igo eta bertsoen, antzerkien eta esketxen bidez gazteek euren erronkak azaldu dizkiete helduei.
Iaz irekitako bideari jarraiki, aurten ere Haurren Hiria egitasmoa egin dute Tolosan. Helburua etxeko gazteenen iritziak kontuan hartuta etorkizuneko Tolosa eraiki ahal izatea da. Kale Biziak proiektuaren barruan gaia lantzen aritu dira eskoletan, eta gaur, ikasturtean landutakoa plazaratzeko aukera izan dute.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?