Tolosaldeko gizarte anitzaren isla

Tolosaldeko Ataria 2015ko api. 17a, 19:47

Zerkausiko kristalerak egunotan badu ikuspegi ezberdina; kristaletik haratago begiratu beharrean kristaletan bertan zintzilikatutako argazkiak ikusteko proposamena da "Ari gaitun" erakusketa. Inauguratu berri da Targazkiren argazki erakusketa, Tolosako argazkilari amateur elkartearen. Tolosako Udalaren Kultura sailaren eta Tolosaldea Garatzeneko Migrazio eta Aniztasun sailaren laguntza du kultur ekimen honek.

Argazkilari amateurrek objektibo aurrean jarritakoak eskualdean bizi eta jatorri ezberdina duten emakumeak dira. Tolosako alkate Ibai Iriartek inaugurazio ekitaldian eskualdearen aniztasuna goraipatu nahi izan du, eta horrela aipatu erakusketak aniztasun hori erakusten laguntzen duela adierazi du. 

Targazkiko kideek "genero aldetik diskriminazio positiboa" burutu dutela nabarmendu dute, "gizonezkoen gehiegizko presentzia mediatikoa konpentsatu nahian". Modeloak gainera euren egunerokotasunean ageri dira: liburu artean, kirola praktikatzen, egunakariak irakurtzen, gidatzen...

Erakusketa ikusgai egongo da gaurtik hasi eta maiatzaren 16a bitartean Zerkausian.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!