Ekozinemaldiak Euskal Herri mailan aurten jorratuko duen gai nagusia fracking da. Gaiaren aukeraketaren zergatiaz honela mintzatu dira Ekologistak Martxan elkartetik: «Instituzioen eta petrolio-enpresen arteko sator-lanak salatu nahi ditugu». Honela, Tolosan gaia jorratuko duten hainbat film egongo dira ikusgai.
Atzo edizio honen lehen dokumentalak ikusgai izan ziren Leidorren: Fractura, la maldicion de los recursos; El caso Sarayaku; Mis desventuras con Repsol: de Ecuador a EH eta Petrolioaren lioa.
Gaur, beste lau zine ekoizpen aurkeztuko zaizkio Tolosako publikoari: Voces en transicion; Argentina libre de fracking; Dame mas gas eta Decrecimiento en un minuto.
Ostegunean azken filma eskainiko du Ekozinemaldiak, 19:30ean Leidorren. Hau da, Jean-Paul Jaud-ek zuzendutako Tous cobayes? transgenikoen gaia jorratuz.