Joan den astean jakin zen Roge Blasco, Fermin Etxegoien edota Itziar Alduntzin irratiko ahots ezagunak kaleratuko zituztela. Orain, izen-abizen gehiago argitaratu ditu Berriak, eta horien artean dira, eskualdeko Aitor Elduaien eta Edurne Ayuso.
Elduaienek esan duenez, erregulazio txostenak 60 langilerengan izango du eragina, baina, "horietatik, 30 langile txostenaren ezaugarrietatik kanpo utzi nahi dituzte, inolako kalte ordainik gabe, esaterako, kaleratu nahi dituzte". Tolosarrak azaldu duenez, irratia egiteko era aldatzeko asmotan dabil EITBko zuzendaritza, "baina, bere eskutik egin nahi du, besteen eskutik ere egin ordez, langileen iritzia ere jakin beharrean, alegia".
