Bi urtez behin egiten den KORRIKAk Euskal Herria zeharkatuko du, eta hilabete barru iritsiko da eskualdera. Urepelen hasi eta Bilbon amaituz. Aldez aurretik, ordea, materiala saltzeaz gain laguntzaileak behar ditu.
12 euroren truke, laguntzaile zarela adierazten duen pina, Euskal Herriko ehunka komertziotan beherapenak izatea ahalbidetuko dizun Korrika Laguntzailea txartela, eta txartela erabili ahal izango den komertzioen katalogoa eskuratuko dituzu. Honekin, besteak beste, euskara ikasteko aukerak zabalduko dira eta euskalduntzean urrats gehiago egingo dira.
Eskualdeko hainbat herritan makina bat ekimen eta ekitaldi antolatuko dira 19. Korrikari bultzada emateko.