Iñaki Azurmendi aizkolaria ostiralean Tolosako Kantabriko tabernan egongo da. Arriaraingoak apustua itxi nahi du bertan, eta erronka edozeini luzatzeko prest dagoela esan du Azurmendik.
Baldintzak ondorengoak izango lirateke: desafioa apirilaren amaieran izatea; hamabi oinbikoko lana izatea eta egurrak erdibana ematea. Diru kontuak ere aurreratu ditu Azurmendik, eta alde bakoitzak 6.000 euro jokatzea proposatzen du.
Kantabrikora gerturatzen denarekin hitz egingo du Arriaraingoak, baldintza horien inguruan. Ostiralean ikusi beharko da, beraz, lehenik inor agertzen zaion Tolosako tabernara, eta ondoren, ea adostasunera iristen diren.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!