Guztira hamar taldek hartu zuten parte, kadete eta junior mailan. Horietako bat neskez osaturiko taldea izan zen. Gehienak gipuzkoarrak baziren ere, Nafarroa, Bizkaia eta Iparraldekoak ere lehiatu ziren. Euskal Herritik kanpoko txirrindulariak ere txapelketan parte hartu zuten, Asturiasko selekzioaren izenean.
Taldeka juniorretan bosgarren sailkatu zen Limousin, eta sailkapen orokorrean ere postu horretan dago bi jardunaldietako puntuak batuta. Kadeteetan ere antzera, baina kasu honetan, bigarren postuari dagokionez.
Txirrindularien emaitzei begiratuta, Unai Iribar kadetea azpimarratu behar da, punta-puntako emaitzak lortu baitzituen bigarren jardunaldi horretan Limousineko gazteak.
Taldekako abiadura proban, kadeteetan, Unai Iribar, Asier Ayerza eta Maddi Amondarain bigarren sailkatu ziren. Danesa modalitatean, Iribarrek lehen postua lortu zuen, scratchean eta puntuazioan egin bezala. Jazarpen proban, Limousinekoa bigarren gelditu zen. Taldea Unai Iribar berak, Manex Irazustak, Iñaki Muruak eta Asier Ayerzak osatu zuten.
Juniorretan Aitor Irazuk lortu zuen podium bakarra, puntuazioan. Proba horretan, laugarren txirrindulari sailkatua ere Limousinekoa izan zen, Aitor Zurdo hain zuzen ere.
Juniorrak
Bigarren jardunaldia
1. Augar Laguntasuna 66p
5. Limousin 30p
Sailkapen orokorra
1. Augar Laguntasuna 116p
5. Limousin 56p
Kadeteak
Bigarren jardunaldia
1. Donosti Berri A 78p
2. Limousin 59p
Sailkapen orokorra
1. Donosti Berri A 130p
2. Limousin 107p