«Euren bi golak gure bi akatsetatik etorri dira, eta hori izan da talde baten eta bestearen arteko aldea», zioen erregional mailako taldearen entrenatzaileak.
Real Union eta Tolosa CFen arteko lehia ongi hasi zen urdinentzat, Bereziren jaurtiketa batekin. Endikak areaz kanpo baloia kontrolatu, eta atzetik zetorren hernaniarrak ederki eman zion baloiari, baina kanpora. Bigarren minutua zen.
10.goan, alboko epaileak zalantzazko falta bat adierazi zuen. Ezker hegalean, areatik gertu. Bertatik egin zuten zuzenean erdiraketa, eta Ruben tolosarren atezainak huts egin zuen. Irteera oker baten ondoren, baloiak Gomezen oinak jo eta sareetarako bidea hartu zuen irundarren defentsak ere espero ez zuela: 1-0.
22. minutuan, partidako jokaldirik politena etorri zen. Baloia alde batera eta bestera mugitu ondoren, Mariok hartu zuen. Tolosarren kapitainak hiru aurkari utzi zituen atzean, dotorezia handiarekin. Ondoren, atzelarien bizkarrean jarri zuen baloia, Fuentes atezainaren aurrean utziz. Honen jaurtiketa gelditu egin zuen Alejandrok, baina erretsazea Bereziren oinetara joan zen, eta honek, sareetara. Ospakizuna ordea epaileak moztu zuen, besoa jasoz eta jokoz kanpo adieraziz. Lastima.
38. minutuan antzeko protagonistak izan ziren Real Unionen arean. Marioren erdiraketa bikaina, eta Berezik, oso gutxigatik baloia kanpora bota zuen.
43.goan, Fuentesena izan zen aukera. Aurrelari tolosarraren jaurtiketa Alejandro atezainak geratu zuen.
Bigarren zatia hasi bezain pronto, 53. minutuan, Endika berastegiarrak izan zuen berdinketa bere oinetan. Ezker hegaletik arean sartu, aurkaria atzean utzi, eta baloiari efektoa eman zion bigarren postea bilatuz, baina defentsak ukitu eta kornerra. Hortxe amaitu zen urdinen esperantza, izan ere, 61.enean etorri zen Real Unionen bigarrena, tolosarrek baloia zelai erdian galdu ondoren, kontraerasoan, eta Omarren oinetatik. Hirugarrena eta azkena, 93. minutuan izan zen, eta Ollok sartu zuen. Tolosa jadanik partidatik joana zen.
ELKARRIZKETA
Klase handiko erdilaria da tolosarra. Baloia zaintzea gustatzen zaion horietakoa. Defentsan ere gogotik saiatzen da, eta oina sartzeko ez du beldurrik izaten. Zortziarekin eta kapitain bezala jokatu zuen igandean Irunen Mariok. Urdinetan onena izan zen. Lehen zatian, hiru aurkari atzean utziz, jokaldi izugarri ederra egin zuen; golean amaitu zena. Epaileak jokoz kanpo izan zela esan zuen. Partidaren gakoetako bat.
3-0 galdu arren, 61 minutu txukun egin ditu Tolosak.
Aurreneko zatian oso ondo atera gara zelaira. Aukerak egin ditugu, eta gol bat ere sartu dugu, baina epaileak balio gabe utzi du. Ontzat eman izan balu, beste modu batera ikusiko genuen gaurko partida.
Defentsan egin duzuen akats baten ondorioz sartu dute beraiek lehen gola. Ondoren, ordea, erasoan jarraitu eta aukerak sortu dituzue. Hor etorri da euren bigarrena.
Bai, horrela izan da, eta bigarrena sartu digutenean, partida maldan gora gelditu zaigu, eta markagailuari buelta ematea zaila zegoen.
Korner batean, taldekideak animatzen ikusi zaitugu. Partidatik kanpo zinetela esaten zenien.
2-0 joan arren, gol bat sartuz gero, oraindik partida irekia geldituko zela ikusten genuen, eta horretan saiatu gara. Azkenean, ordea, ez dugu lortu.
Taldeak itsura ona eman du lehen 60 minututan. Zure partida ere ikusgarria izan da, jokaldi ederrak eginez. Nola ikusi duzu zure burua zelaiaren barruan?
Gabonetatik bueltan gaudela nabari da, eta fisikoki oraindik zerbait falta zaigula. Baina sasoia hartzen joango gara, eta nahiko gustura nago alde horretatik, baita nire buruarekin ere.
Azken lau partidak irabaziak zenituzten, tartean sailkapen nagusiko bigarrenaren aurka jokatu zenutena. Bosgarrena galdu arren, balantzea modu positiboan egitea besterik ez dago.
Horrela da. Bostetik lau irabazi ditugu, 15 puntutik 12 lortuz. Hurrengo bi partidak etxean jokatuko ditugu, eta horiek irabazten baldin baditugu, sailkapen nagusia beste modu batera ikusiko dugu.
ENTRENATZAILEAREN HITZAK
Tolosa CF 0
1. Aretxabaleta 37p
2. Aurrera 36p
3. Beti Gazte 28p
4. Anaitasuna 26p
5. Tolosa 26p
6. Hernani 25p
7. Martutene 25p
8. Real Union 23p
9. Touring 21p
10. Ordizia 21p
11. Elgoibar 20p
12. Zarautz 20p
13. Bergara 19p
14. Aloña Mendi 17p
15. Ostadar 16p
16. Usurbil 14p
17. Hondarribia 12p
18. Antzuola 7p