Tolosako Ixaka Lope Mendizabal plazako eta inguruko merkatariek moda desfilea antolatu dute gaur iluntzean. Aurkezpenean azaldu dutenez, txantxa bat izan zen proiektuaren abiapuntua eta, pixkana, ekitaldia antolatzera iritsi dira.
Emakume, gizon, mutil zein neskentzako arropa erakutsi dute modeloek pasarela gainean, eta plazako tabernariek ere parte hartu dute egitasmoan; tabernetan eskatutako edarien truke urdaiazpiko pintxo bat oparitu diete herritarrei. Halaber, bi pertsonentzako otordu bat ere zozkatu dute. Horrek eta modaren distirak erakarrita, Lopez Mendizabal plaza bete egin da.