Urtero sasoi honetan egiten duten moduan, Hirukide ikastetxean elkartasun kanpainan murgilduta daude. Hala, aste honetan eta hurrengoan elikagaiak bilduko dituzte gelaz gela. Horrekin batera, supermerkatuetan ere egingo dute bilketa, larunbat honetan.
Eli Moreno Hirukideko begiraleak azaldu duen moduan, larunbat goizean, 10:00etatik aurrera, Tolosako lau supermerkatuetako ateetan jarriko dira, herritarrek ematen dizkieten jakiak biltzen. Elikagaiak ezezik garbiketa produktuak nahiz barruko arropa ere hartuko dutela azaldu du Morenok. Bi aste hauetan bildutakoa Abegira nahiz Caritasera bideratuko dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!