Taldeko arduradunak oso gustura gelditu dira bertan bizitakoarekin: «Gazteenak ederki ibili ziren. Alebin eta infantil neska-mutilek parte hartu zuten gure eskolatik, guztira 30 gazte korrikalari.
Gehienentzat lehen aldia izan zen kros munduan, eta oso ondo pasa zuten, eguraldia lagun eta lagunartean. Azpimarratzeko Maddi Sanchez, Alain Odriozola eta Libe Martinez de Rituertoren garaipen eta podiumak».
Txikiekin batera, helduagoak ere Irunen izan ziren, eta hauen emaitzak ere bikainak izan ziren. Emakumezko kadeteak eta gizonezko helduak lehen postuan gelditu ziren. Taldean ondorengo korrikalariak zeuden: Maria Lasa, Izaro Perurena eta Eneida Saldias Mujika; eta Iosu Diez, Aitor Odriozola Otamendi, Ander Ortiz, Ibon Gonzalez, Iker Manso Blazquez, Aritz Garin Arrastoa, Asier Altuna, Enrique Piedra eta Javier Rodriguez.
Hurrengo krosa abenduaren 14an izango da, Eibarren. Gipuzkoako Txapelketa denez Tolosaldeko korrikalariak gogotsu joango dira bertara.
Bestalde, asteburu honetan hitzordua Sorian duten Tolosa CF Atletismo taldeko hainbat korrikalarik. Nazioarteko maila duen krosa jokatuko da bertan, eta Europako Txapelketarako puntuagarria denez, Unai Arroyo tolosarra bertan egongo da, puntuak pilatzeko helburuaz.