Zesta puntaren ikusgarritasunak hartu du gaur Beotibar frontoia. Jose Ignazio Elolaren Oroimenezko I. Txapelketaren aurreneko jardunaldia jokatu da, eta dagoeneko badaude bi bikote sailkatuta finalerdietarako. Batetik, Roke eta Ubillak 2-0 irabazi diote Belly eta Ihitsagueri, 15-11 eta 15-14ko markagailuekin. Bestetik, Landa eta Susok 2-0 irabazi diote Agirre eta Lekerikari, 15-14 eta 15-10eko markagailuekin. Lopez tolosarra lesionatu egin zen ostegunean eta ezin izan du jokatu partida, eta bere ordez Agirre aritu da.
Bihar, igandea, final laurdenetako beste bi partidak jokatuko dira, 11:15ean hasita, Beotibar frontoian. Alberro-Zabala Iturbide-Del Rioren aurka, eta Alberdi-Izagirre Barandika-Urangaren aurka izango dira norgehiagokak. Izagirre tolosarrak etxeko zaletuak izango ditu animatzen finalerdietarako txartela lortzeko.