Tolosa CFek etxean sendo jarraitzen du. Lau partida jokatu dituzte Berazubin, eta horietatik hiru irabazi eta bat berdindu dute. Hau gainera, azken uneko aurkako penalti baten ondorioz. Hala eta guztiz ere, larunbatean aurkaria Tolosa bera zen.
Konfiantza falta, urduritasuna, antsietatea... Aretxabaletako 5-0ekoak min egin zuen, eta horri nola erantzun zegoen ikusgai. Kalitatezko hiru golek beharrezko hiru puntuak ekarri zituzten. Orain, etxetik kanpoko beharrei erantzutea tokatzen da; igandean, Martutenen.
Iker Dorronsoro entrenatzailea, Latu ordezkaria eta jokalariak gustura zeuden larunbat iluntzean. Izardi ugari botata, baina hiru puntuak etxean gelditu ziren: «Zelai barruan ez da markagailuan egon den diferentzia ikusi, baina garrantzitsuena puntuak ziren», esan zuen Dorronsorok.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
