Ez dira ongi hasi TAKEko neskak. Pasa den asteburuan, lehen jardunaldian, galdu egin zuten Donostian, eta gaur, etxeko lehen neurketan ere ezin izan dute porrota galarazi.
Hutsek markatu dute neurketa, izan ere, atsedenaldian aurretik ziren tolosarrak. 9-9koarekin amaitu da lehen laurdena, eta bigarrenean sei puntuko aldea lortu dute. Aldageletatik bueltan, hirugarren laurdenean, bi puntu besterik ez dituzte lortu, eta kanpotarrek aldiz, 15 puntu sartzea lortu dute. Amaieran, 35-42. "Zer hobetua" dutela azaldu du Otaño entrenatzaileak amaieran.