Pertsona Gorren Nazioarteko Eguna ospatu dute Tolosan eta bukaera eman diote XI. Sentsibilizazio Asteari. Gainditzen elkarteak antolatu ditu ekitaldiak, eta gizartea gorren komunitatearekiko gero eta sentsibilizatuagoa dagoela dioen arren, oraindik lanean jarraitu beharra dagoela nabarmendu dute.
Trianguloa plazan postu bat jarri du Gainditzen elkarteak eta bertan aritu da Dinbi Danba batukada, pertsona entzuleen arreta erakartzeko. Marrazki lehiaketako sari banaketa ere egin dute bertan. Hori eguerdian izan da, eta arratsaldean, Hirukide ikastetxean, Joseba Ilunbe futbol jokalariari omenaldia egin diote, Europako txapelduna izan berri baita. Bertan, pertsona gorren eta entzuleen arteko futbol partida jokatu dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!