Lara Arruabarrena tenista tolosarrak WTA zirkuituko torneoa irabazi du Hego Korean. Seulen jokatu da lehia, eta Arruabarrenak binakako txapelketan parte hartu du, Irina Camelia-Begu errumaniarrarekin batera.
Finalean 6-3 eta 6-3 nagusitu ziren, Alemaniako Mona Barthel eta Luxenburgoko Mandy Minella bikotearen aurka. Finalak ordubete eta zortzi minutu iraun zituen.
Lehen set-a parekatua izan zen. Zortzigarren jokoan hautsi zien aurkariei sakea. Hor lortutako abantailarekin irabazi zuten lehen set-a. Bigarrengoak gora behera handiagoak izan zituen. Hiru haustura lortu zituzten Arruabarrenak eta Camelia-Beguk. Aurkariek bakarra. Ondorioz, amaieran, bi eta hutseko emaitzarekin lortu zuten garaipena tolosarrak eta errumaniarrak.