Irailaren 26tik 28ra Munduko Kopako azken lasterketa jokatuko dute Euskadiko Trialsin selekzioko Ion Areitio, Gorka Susperregi eta Irene Caminos tolosarrak Anberesen (Belgika).
Hain zuzen, hiri horretan desagertu zen Hodei Egiluz gaztea pasa den urteko urriaren 19an. Hori dela eta, Galdakaoko gaztearen aurpegia daraman kamisetekin jantzita egingo dute azken lasterketa hau, ikerketa eta bilaketarekin aurrera jarraitu dezaten eskatzeko. Anberesko Hodei Egiluzen aldeko plataformari esker, hiriko plaza nagusian erakustaldia emango dute hiru gazte euskaldunek. Atzo eman zuten egitasmo honen berri Galdakaon bertan.
Datorren astean Suitzan
Kirol arloari dagokionez, Munduko Kopako Anberesko azken jardunaldiaren aurretik, beste lasterketa bat jokatuko dute Suitzan, datorren astean. Tolosarra bikain lehiatzen ari da, eta bide beretik amaitzea espero du txapelketa hau.