Urtero moduan, Ibai Iriartek, Tolosako Udalaren izenean, eta Gorka Arregik, Tolosa&Co merkatari elkarteko arduradun gisa, lankidetza hitzarmena sinatu dute, 2006. urtean eratu zuten Merkataritza Foroaren barruan sektorea dinamizatzeko garatzen dituzten harreman eta ekimenak koordinatzeko. Hitzarmen honi esker, Udalak 21.500 euro emango dizkio aurten Tolosa&Co elkarteari.
Udalak "sustatu beharreko merkataritza eredua, txikia eta gertukoa" dela adierazi du, "horrek ematen baitio herriari bizia". Horregatik, hitzarmen hau "oso garrantzitsu" bezala definitu du.