Waterline Festival jaialdiak ehundaka pertsona batu ditu Oria ibaiaren ertzean orain arte Tolosan oso ikusia izan ez den kirol batez gozatzeko. Ikuskizun bikaina eskaini dute munduko txoko ezberdinetatik etorritako parte-hartzaileek: Frantzia, Argentina, Estatu Batuak, Italia...
Oreka saioa baino gehiago izan da, gainera. Etengabeko akrobazia eta jauziak ikusi ahal izan dira. Erorialdiak ere bai. Gurutze Gorriak bi lagun hartatu behar izan ditu zaintiratuagatik.
Eguraldia ere lagun izan da, eta horrek ikuskizuna are borobilagoa izaten lagundu du. "Primerakoa" izan da lehen esperientzia, antolatzaileen arabera. Iñigo Mansok adierazi duenez, "jendea oso gustura" geratu da: "Parte hartzaileak eta ikusleak gustura ibili dira. Tolosako alkatea bera ere bai". Horrek, "jarraitzeko gogoa" ematen diela nabarmendu du Mansok.
