Tolosan lehen aldiz egin zuten pasa den larunbatean Padel Txapelketa. Kepa Lapresa eta Gorka Blanco izan ziren irabazleak, eta bigarren Haymar Calvo eta Aritz Carrionek egin zuten.
10:00etan hasita egin zuten Padel Txapelketa. Eguna borobiltzeko elkarte batean afaldu zutela ere esan dute. Irabazleek kirola egiteko jertseak irabazi zituzten, baina parte hartzaile guztiek jaso zuten elastiko bat.
Bigarren edizioa ere antolatu nahi dutela esan dute antolatzaileek, eta Tolosako Udalari, Insalusi, Zayasi eta Egokitutako Kirolen Gipuzkoako Federazioari eskerrak eman dizkiete emandako laguntzarengatik.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
