Aspaldian, Tolosan 47 sagardotegi izatera ere iritsi izan omen ziren, Garikanotarren azaldu duten moduan. Garai haietan, sagardotegiak "mutilzaharren kontua" besterik ez zirela aipatu dute: "Ez ziren emakumeak sartzen, soilik gizonezkoak, asko mutilzaharrak. Beste batzuk sagardoa probatzera soilik joaten omen ziren". Upeletan tizarekin margotzen zituzten zerbitzatutako sagardo trago bakoitza, ondoren kontua egoki egin ahal izateko.
Horrelako dozenaka istorio entzun ahal izan dira gaur egin diren bisitetan. Ondoren, hainbat sagardogilek emandako sagardo dastaketa egin dute etnologo baten laguntzaz.