Ordiziarrak bi goleko errentarekin joan ziren Kataluniara, joanekoan lortutako 3-1eko emaitzari esker. Bada, Rubí taldeak sekulako norgehiagoka jokatu zuen itzulerakoan, eta hiru minuturen faltan 5-0eko emaitza zen markagailuan, kataluniarren alde. Izagirrek kontatu duen moduan, "kanporaketa galdutzat" jotzen zuten, baina "nolabait" hiru gol lortu zituzten azken minutu horietan. "Ez dut oraindik sinesten lortutakoa" zioen oraindik Ane Izagirrek, gaur, Ataria Irratian.
Itzuleran, Ordiziako Udalak harrera xume bezain beroa egin zion udaletxean, eta hainbat zale bildu ziren plazan igoera ospatzeko. Orain, "bulegoko lan asko" dutela onartu dute.