06:00etarako hasi dira Tolosako Larramendi auzoan txerria erretzen, eta 14:30ak ingururako prest zuten auzotarrek bazkaldua izateko. 60 pertsona inguru eseri dira mahaiaren bueltan, txerria osagai nagusi zuen menua dastatzeko.
Aurretik, gaztetxoenentzat jolasak prestatu dituzte, eta ondoren, pintxo potea ere izan dute urdaiazpikoa eta txerriari hartu dioten azpizunak lagundurik. Larramendi auzo elkarteko kideek azaldu dutenez, pasa den urteko Txerri festan ere giro paregabea izan zen, eta horregatik errepikatu dute aurten. "Horrelako ekimenekin sortzen da auzoa, elkarrekin egon eta elkar ezagutzeko aukera izaten baita", esan dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
