Mendi martxa 6-8 ordu bitartean egiteko modukoa dela esan dute antolatzaileek; 22,6 kilometroko itzulia prestatu dute. Ibilbidean Larrondo, Artubi, Azkarate, Zarate eta Jazkugaina zeharkatuko dituzte parte hartzaileek. Bizikletaz irteten direnek antzeko ibilbidea izango dute, baina Artubi igo beharrean Ugartetik barrena egingo dute itzulia; guztira 45 kilometro.
Informazio gehiago nahi duenarentzat ere jarri dute webgunea prest Artubi Kultur Elkarteko antolatzaileek. Interesa duen oro www.bedaio.com helbidera bideratu dute. Azkenik, eskualdeko herritarrak ekainaren 15eko martxa horietara gonbidatu dituzte.
Bedaioko VIII. Mendi Martxa eta VII. BTT Martxa ekainaren 15an ospatuko dira. Oinezkoak 07:30ean irtengo dira Bedaioko frontoitik, eta bizikletaz 08:00etan leku beretik. Ibilbidea desberdina izango da bientzat. Izena ematerako orduan proba batean edo bestean parte hartu behar den jarri behar da, izenarekin, bi abizenekin eta herriarekin batera. Inskripzioa 10 eurokoa dela zehaztu dute Bedaioko Artubi Kultur Elkartetik.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!