Dozenaka lagun bildu ziren atzoko arratsaldean zehar Banaiz Bagara elkarteak antolatutako kirol egunean. Kirol berriak ezagutu eta praktikatzearekin batera, "euskara beste modu batean bizitzea eta herrialde ezberdinetako lagunekin elkartzea” zuen helburu Berazubin egindako kirol ekitaldi sortak.
Aerodance-a, cricket-a, gaelic football-a, pala eta autodefentsa praktikatzeko aukera izan zuten, besteak beste, jatorriz Kolonbia, Pakistan, Irlanda, Mali eta Euskal Herrikoak diren kirolarien eskutik.
Eguraldia lagun izan zuten Berazubi estadioan batu ziren ia 80 lagunek, eta ez-ohikoak diren kirolak ezagutzeko aukera izan zuten, euskara praktikatzearekin batera.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!