Eduki hau partekatzeko esteka arbelera kopiatu da.
Aukera historiko baten aurrean da TAKE Saskibaloi taldea. Larunbatean Arrasaten bigarren sailkatuari, Mondragon Unibertsitateari irabaziz gero, EBA ligara igoko da. Tolosako saskibaloi taldeak inoiz lortu ez duen lorpen handi bat da. Aukera hori aprobetxatuz, Yon Gonzalezekin hitz egin dugu Ataria Irratian. Denboraldiari errepasoa egin diogu berarekin, arrakastaren gakoak zein diren analizatu eta aurkaria ezagutzearekin batera.
Gonzalezek partida gogorra izango dela uste du, eta horregatik, taldeari kontzentrazio osoa eskatzen dio: "Ezin dugu dena egina dagoela pentsatu".
Gogoratu, taldea animatu asmoz, autobus bat antolatu duela klubak Arrasatera joateko. 16:30ean irtengo litzateke Tolosatik eta partidu amaieran bertara itzuli. Izen-emateak, takesb@takesb.com helbidean egingo dira, eta izen ematearen ordena hartuko da kontutan autobusa bete arte. 5 euroko prezioa izango du bidaiari bakoitzak eta egunean bertan ordainduko da.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!