Gipuzkoa Encounterren zortzigarren edizioan parte hartzaileek etengabe partekatu dituzte euren ezagutzak eta esperientziak, eta barneko txateak 230 erabiltzaile baino gehiago egon dira konektatuta. Era berean, prestakuntza ekintzen arrakasta nabarmendu du Sabino San Vicentek eta jakinarazi du hitzordu honetan harreman profesionakak egin eta enpresa ekimenak abian jartzeko aukera izan dutela partaide ugarik. Aurten gainera, ekintzaile gazte ugari bertaratu dira, eta euren esperientzia partekatu dute.
Aurtengo berritasunetako bat Game Project Compo lehiaketa izan da, eta arrakasta handia lortu du. Partaideek, banaka edo taldeka, joko baten proiektua aurkeztu behar izan dute, eta sektoreko profesionalek aztertu dute. San Vicenteren hitzetan, aurkeztutako proposamenak agerian utzi dute bideo jokoen mundu lehiakorrean jarduteko gaitasuna duten agazte asko daudela.
Horiek horrela, hiru eguneko jaian sei kilometro kable eta informazio transmisioarako 1.110 gigako gaitasuna duen sistema egonkorra izan dute zaleek.