Berdintasuna bultzatze aldera, taldeak gizonezkoenak, emakumezkoenak edo mistoak izan daitezke, eta lau jokalarik osatu beharko dute, hiruk jokatzeko eta beste bat aldaketak egiteko. Hamar minutuko bi zati izango ditu partida bakoitzak, eta saskiratze bakoitzak puntu bateko balioa izango du, bost metroko marraren atzetik saskiratutakoak izan ezik. Hauek, bi puntuko balioa izango dute. Partida guztiak, 09:00etatik 13:00era jokatuko dira Usabal Kiroldegian.
Txapelketarako izen-emate epea zabaldu da dagoeneko, eta interesa duten haurrek, takesb@takesb.com helbidean egin dezakete apirilaren 11 baino lehen. Talde bakoitzak 10€ ordaindu beharko ditu, eta jokalari bakoitari kamiseta bat banatuko zaio ondoren opari gisa.