Jesus Muñecasek, Tolosako Guardia Zibilaren kuarteleko general ohiak, 1981. urteko otsailaren 23ko estatu kolpea oroitu zuen Valdemoroko Institutu Armatuko kuartelean, Antonio Tejero, Guardia Zibilaren teniente koronel ohia, eta haren semearekin batera. Pasa den otsailaren 18an egin zuten gertaera hura gogoratzeko zita.
Horren ondorioz, Barne Ministerioak, Antonio Tejero Diez, kuarteleko segurtasun neurri berezietako zuzendaria eta Antonio Tejeroren semea, kargutik kendu zuen, "onarpenik gabeko bazkaria" zelako.
Muñecas, Audientzia Nazionalak, Maria Servini epaile argentinarrak eskatutako estradizioaren inguruan zein erabaki hartuko duenaren zain dago, frankismo garaiko errepresioarekin lotura duelakoan. Tolosan egon zen garaian ere, bertako kalabozoetatik pasa ziren pertsona askok torturak salatu zituzten.