Amarozko auzo elkartea, Iturriza jubilatuen elkartea, kristau etxea, Koku-yo elkarkidetza eta kooperazioa, Nagusilan, Ereite, Sahararren elkartea eta SOS arrazakeriak eta hainbat norbanakok osatzen dute mugimendua. Tolosako Udalaren babesa du, eta beste hainbat elkarte eta erakunderekin elkarlanean ariko da, hala nola, Harizpe, Beti Gazteak, Appetol, Goienetxe fundazioa eta Gurutze Gorria.
Hasiera batean, premia handienari erantzungo dio mugimenduak, hots, beharra dutenei jatekoa ematea. Beraz, elikagaiak banatzea izango da hasieran Zutaniren egitekoa. Gipuzkoako Elikagaien Bankutik iritsitako janaria eta tolosarrek borondate onenarekin modu solidarioan emandakoa banatuko dute, Tolosako Udalak utzitako lokalean, Araba etorbideko 5 zenbakian, hain justu.
Elikagaiak jasotzeko beharra duten Tolosako bizilagun guztiek, beren datuak eman ez dituztenek, martxoaren 27tik aurrera jo dezakete Araba etorbideko lokalera, ostegunetan, 11:00etatik 12:00etara eta 16:30etik 18:00etara, eta han esango zaie eman beharreko dokumentuak zeintzu diren. Era berean, zutanitolosa@gmail.com helbidera ere idatz dezakete.
Bestalde, egun 50 boluntario inguru ari dira lanean, eta euren denboraren zati bat jartzeko prest dauden pertsona boluntario guztiei ekimen solidario honetan parte hartzera deitu deituzte.