Giza Eskubideen Astea gaur hasi eta urtarrilaren 31 arte luzatuko da. Batetik, ikasleek hainbat gai landuko dituzte (gizakia eta natura, hezkidetza, haur esklabutza...) eta bestetik, mahai inguru irekiak egongo dira.
Lehenengoa bihar izango da, hilak 28, 19:30ean kultur etxean "Urrutiko esperientziak hizpide" izenpean. Joana Zubelzu eta Yon Gonzalez (irakasleak eta Argentinan egondakoak), Miguel Legarra (medikuntzako ikaslea eta Marokon egondakoa), Miriam Sagarna (Gizarte Hezitzailea eta pedagogo eta Ekuadorren egondakoa), Irati Lanceta (medikuntzako ikaslea) eta Nerea Caminos (enpresen administrazioko eta zuzendaritzako graduduna eta Kenyan egondakoa) izango dira hizlariak.
Ostegunean aldiz, 19:00etan, kultur etxean "Egungo errealitatea" izango da mahai inguruaren izena eta hizlariak hauek: Rafa Sainz de Rozas (Arartekoaren aholkulari), Caritas Gipuzkoako ordezkaria, Iñaki Gomez (Tolosako Gurutzeko Gorriko boluntarioen arduraduna), Pedro Arteaga (Tolosako Abegi-Hogar del transeunteko arduraduna), Aitor Jimenez eta Jenifer Calvo (Tolosako Txolarte-Atzegiko ordezkariak), eta Jone Otermin eta Pepe Jimenez (Caritas Tolosako ordezkaria).