Joan den astean Tolosaldeko musikari, kazetari, kirolari nahiz eragileetako kideek erabakitzeko eskubidearen aldeko argazki erraldoia atera zuten Zerkausiko terrazan. Gaur, herritarrei egitasmoaren berri emateko postua jarri dute Tolosako Gabonetako azoka berezian, eta argazkia ikusgai izan da.
Euskal Herriaren etorkizuna herritarrek erabakitzeko aldarria aurrera darama Gure Esku Dago izeneko ekimenak, eta "sentsibilitate politiko guztietako kideak" ari dira lanean. Horrela, datorren ekainaren 8an Durangotik Iruñera giza-kate erraldoia egitea da jomuga nagusia.