Video streaming by Ustream
Gaur aurkeztuko dute plana herritarren artean, eta finean, helburu nagusia euskara Tolosako hizkuntza nagusi bilakatzea da. Lau urtera begirako proiektu honen lehen berria duela zenbait hilabete eman bazuten ere, aurkezpen publikoa egingo dute gaur, Auzolanean egitasmoaren barruko hitzaldia aprobetxatuz. Tolosako kultur etxean, 19:30ean, egingo da aurkezpena, Xabier Saizar Galtzaundi Euskara Taldeko kidearen eskutik. Ondoren mahai ingurua izango da euskararen normalizazioaren iraganaz, orainaz eta geroaz. Eusko Jaurlaritzako Hizkuntza Politikarako sailburuordea Patxi Baztarrika, Gipuzkoako Foru Aldundiko Euskara zuzendari Zigor Etxaburu, Kontseiluko Iñaki Lasa eta Topaguneko Mikel Irizar ariko dira gai honen inguruan. Tolosaldeko Atariak zuzenean emango du ataria.info webgunean, eta aurkezpenaren eta mahai inguruaren jarraipena egingo du
#EuskararenHiria erabiliz.