Tolosa Merkat egitasmoa 2011. urtean sortu zen, eta Tolosako merkataritzaren mapan hutsuneak identifikatu eta gero, lau ekintzailek beren negozio berri eta berritzaileak irekitzeko aukera izan dute. Kale Nagusian hutsik eta zaharkituta zeuden lokalak erabili dituzte horretarako, eta udalaren, ekintzaileek, merkatari elkartearen nahiz lokal jabeen artean adostutako baldintzek ahalbidetu dute proiektua aurrera ateratzea.
Hau guztia ospatu eta jendarteratzeko, Kale Nagusia artearen kale bilakatu da gaur, eta graffitiak, marrazkialriak nahiz bestelako eskulanak ikusi ahal izango dira arratsaldean ere.
Aipatzekoa da, Tolosa Merkat egitasmoak Eusko Jaurlaritzaren saria jasoko duela datorren astean, hirigunean dinamizatzeagatik.