Abenduaren 10era bitarte, hainbat erosketa doan eskuratzeko aukera izango da, Tolosako merkatarien elkarteak abiarazi berri duen kanpainarekin.
Tolosa & Co Visa txartelaren erabiltzaileek gozatu ahal izango dituzte egitasmo berriaren abantailak, eta elkarteko ordezkari Juanjo Ruizek azaldu duenez, "Eguberrietako kanpaina girotzeko bidea" da. Azkenaldiko egitasmorik indartsuenetakoa da, izan ere, Visa txartelarekin ordainduriko erosketen artean ausaz erabakiko dituzte doako erosketen irabazlea, eta une horretan ordainduriko erosketa hori bera izango da, doakoa; prezioak, beraz, ez du zerikusirik izango.
Honekin batera, txekeen egitasmoa ere martxan dute Tolosa & Co-ko dendariek. Bezeroen artean zozketatzen dituzte txekeak, eta abenduaren 31ra arte izango da, erosketa txekeen puntuak aldatzeko aukera. Ondoren, urtarrila osoan erabili ahal izango dira puntu hauek.