Ikaskideen artean sortu daitezkeen gatazkak konpontzeko bitartekaritza zerbitzua jarri zuten martxan duela lau bat urte Tolosako Hirukide ikastetxean. Ikasturte honetan bitartekari izateko formazioa jaso duten ikasleekin ekitaldia egingo dute bihar. Txaro Etxeberria eta Peio Agirrezabal irakasleak aritu zaizkigu egitasmoaz.
Duela 10 urte sortu zen Hirukide ikastetxea Tolosan. Hasieratik izan dute elkarbizitza positiborako kezka. `Adimen Anitzak´proiektua landu dute azkeneko urteotan eta bizitzarako baliabideak eskaini nahi izan dizkiete ikasleei. Tartean, gatazken aurrean nola jokatu ikasteko trebatu dituzte. Aurrena `adostokiak´prestatu zituzten ikastetxean eta orain bitartekaritza zerbitzua dute martxan.
Bitartekari lana egiteko formazioa jasotzen dute ikasleek eta formazioko bukaera ekitaldia egingo dute asteazkenean, hilak 6, Tolosako San Frantzisko ibiltokiko Hirukideren egoitzan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!