Atzo hasi ziren Larramendiko jaiak, eta haize bolada indartsuak zirela eta, plaza berriaren inaugurazioa eta bandaren emanaldia bertan behera geratu ziren arren, gaur gogo betez ekin diote festari.
Goizean kirola eginez hasi dute egitaraua, eta Uzturrera igo dira auzotarrak; egindako lanaren saria, berriz, eguerdiko hamabitakoa izanda.
Bazkalondoan, Altza Porru Patata taldearen ikuskizunaren jolasean aritu dira gaztetxoenak, eta pintxo potea izango da, gero. Gauen, parrandazaleenentzat kontzertuak eta DJa izango dira: 23:30ean Agoraphobia eta Rei Kimera taldeen emanaldiaz gozatu ahal izango da, lehenik, eta 02:00etatik aurrera, Dj. VerBrothers ariko da musika jarriz.
Larramendiko jaiak, igandera bitarte luzatuko dira, eta gaurko moduan, datozen bi egunetan ere izango da festarako aukerarik:
Urriak 26, larunbata
09:00 Dultzaineroak
11:00 Ume Jolasak
12:00 Auzo Kirolak
14:00 Auzo Bazkaria
16:00 Txaranga eta Ume Jolasak
18:00 Danborrada
20:00 Pintxo-Potea
23:30 Kontzertuak: Laket
02:00 Dj. VerBrothers
Urriak 27, igandea
09:00 Txistulariak
11:00 Toka
12:00 Tortilla Lehiaketa
14:00 Kuadrila bazkaria “Zagiardoa”
15:00 MUS Txapelketa
17:00 Buru Handiak
18:00 Triki-Poteoa
20:00 Jai Amaiera