Iragan asteburuan tradizio handia duen Herri Krossak hasiera eman zion San Esteban Auzoko Kultur Asteari. Ekitaldi nagusiak bestalde, gaurtik hasita izango dituzte Tolosako auzoan. Igandera bitarte hamaika ekitaldiz gozatzeko aukera izango dute.
Gaurkoan antzerkia izango da protagonista La Patro Teatroren eskutik, «Odio a mis hijos y soy una mujer normal» antzezlanarekin. Bihar, berriz, afaria izango dute garagardo azokako menuarekin, eta Alaia Martin eta Oskar Estanga bertsolariek girotuta, gainera.
Larunbat arratsaldean umeen txanda izango da: haur jolasak, zaldi paseoak, buruhandiak, txokolate jana...
Igandean, azken egunean, babarrun jatea izango da eguneko ekitaldi nagusia.