Tolosaldeko Atarira egindako bisita baliatu du Ibai Iriartek, euskarazko komunikazio proiektu berria zoriontzeko. Euskarari bultzada emateko balioko du Atariak, herrian martxan dituzten beste hainbat proiekturekin batera.
Kezkaz ikusten du Tolosako alkateak eskualdeko egoera ekonomikoa." Ez dago motore bezala funtzionatzen duen industriarik. Gainera, enpresen %94ak 10 langiletik behera du, tailerrak dira". Zailtasunak dituzte tailer horiek kanpora saltzeko eta erronka hor dago alkatearen iritziz. Enpresa hauek laguntzeko sortu da, adibidez, Lehiberri.
2014rako bilketa sistema berria izango du Tolosako herriak. Aurreko urteko uztailean jarri zituen oinarriak udalbatzak: "inork ez du kutsatzeko eskubidea, nahitaezkotasuna, 2014an %60-70ra eta 2016rako %80ra iristea". Idema enpresa ari da sistemen arteko konparaketa egiten eta aurki jasoko dituzte emaitzak.
Gai hauen eta beste hainbaten inguruan hitz egin du Ataria Irratian Ibai Iriartek.
