Zerbitzu berriaren inguruan erabiltzaileen ekarpenak jaso dituzte udan, aldaketak egin aurretik
Pasa den uztailaren 1ean martxan jarri zuten, Tolosatik Donostiarako lotura indartu nahian, autobus zerbitzu berria. Udan erabiltzaileen ekarpenak jasota, zenbait aldaketa jasan ditu zerbitzuak, eta indarrean dira jada.
Besteak beste, Tolosatik 07:10ean irteten zen autobusa 07:05ean irtengo da orain Antiguo auzora lehenago iristeko, eta 08:10ean bi autobus irtengo dira. Era berean, ospitaletatik 15:15ean pasatzen zen autobusak denbora egin beharko du aurrerantzean, behar baino lehenago ez pasatzeko.
Bestalde, Donostiako ospitaletatik Tolosara etortzeko orain arte 13:00etan eta 19:00etan irteten ziren zerbitzuak 12:30ean eta 18:00etan aterako dira orain; gainera, ospitaletara bidean doazen zerbitzu guztiek geldialdia egingo dute aurrerantzean, Onkologiko parean.
Aldatutako ordutegi osoa ikusteko nahiz zerbitzuaren inguruko informazio gehiagorako, www.tolosaldeagaratzen.net eta www.tsst.info web atariak bisita daitezke.