Iñigo Cabacasen heriotzaren inguruan egindako Iñigo Cabacas Cronica de una herida abierta dokumentala izango da ikusgai, gaur, 20:00etan, Tolosako Kultur Etxean. Cabacasen lagunek bultzatutako ekimena da.
Ertzaintzak botatako gomazko pilota batek buruan jota larri zauritu zuen Cabacas iazko apirilaren 5ean, eta lau egun geroago hil zen. Bere hilketak erreakzio zabala eragin du gizartean, eta poliziaren gehiegikeriari buruzko kezka areagotu, izan ere, Cabacas hil zuen polizia-karga egitean kalean ez zen istilurik. Gertakariak argitzeko Eusko Jaurlaritzatik jarritako oztopoak eta zenbait ordezkari politikoren elkartasun eza salatu dituzte familiak, adiskideek eta beste zenbait sektorek.