Batel denboraldia amaierara iristen ari da. Iragan asteburuan Gipuzkoako Txapelketa jokatu zen Pasai San Pedron, eta Tolosaldeko Arraun Klubeko arraunlariek emaitza bikainak eskuratu zituzten. Asteburua borobiltzeko, gainera, jubenil mutilek bandera ekarri zuten eskualdera. Azken sailkapenak ikusita, guztira bost domina eta bandera bat lortu zituzten TAK-eko arraunlariek: Urrezko bat; hiru zilarrezko eta brontzeko bat. Seniorren kasuan, Federakuntza Kopako azpitxapeldun gelditu ziren.
Gipuzkoako Txapelketa bi egunetan ospatu zen. Larunbatean sailkapen estropadak jokatu ziren, eta igandean, ohorezko txandak.
Batel denboraldiari agur esateko, asteburu honetan Euskadiko Txapelketak jokatuko dira. Legutioko uretan Tolosaldeko Arraun Klubeko batel guztiak egongo dira, Gipuzkoan lortutako emaitzak errepikatzeko gogoz.
Emaitzak
Gipuzkoako batel txapelketa
Infantil-kadeteak (neskak). Brontzezko domina.
Infantilak (mutilak). Zilarrezko domina.
Kadeteak (mutilak). Zilarrezko domina.
Jubenilak (neskak). Zilarrezko domina.
Jubenilak (mutilak). Bandera eta urrezko domina.
Seniorrak (mutilak). Federakuntza Kopako azpitxapeldunak.